सत्ता जोगाउन उपेन्द्रले बनाए वार्ता टोली

लोकप्रिय

काठमाडौं– भारत भ्रमणमा रहेकाबेला प्रधानमन्त्री केपी शर्मा ओलीले महत्वपूर्ण मन्त्रालय खोसेर जनतासँग प्रत्यक्ष सम्बन्ध नभएको कानुन मन्त्रालयमा थन्क्याइदिए ।

सत्ता साझेदार दलसँग सल्लाहसमेत नगरी यादवलाई कानुन मन्त्रालयमामात्रै पु¥याएनन् सहरी विकास मन्त्री मातहत नेकपाका रामवीर मानन्धरलाई राज्यमन्त्री बनाइदिए ।

ओलीले समाजवादी पार्टीका स्वास्थ्य राज्यमन्त्रीलाई हटाउँदै नेकपाका नवराज राउतलाई राज्यमन्त्री बनाए । धेरैले अपेक्षा गरेका थिए कि यति अपमान सहेर उपेन्द्र बस्दैनन्, मन्त्रालय नगइकन बिदा लिन्छन् ।

तर भारत भ्रमणबाट फर्किएका उपेन्द्रले सत्ता छाडेनन् । बरु पार्टीको बैठक बोलाएर सरकारमा निरन्तर रहने वातावरण बनाए । पार्टीका राष्ट्रिय परिषद् अध्यक्ष बाबुराम भट्टराईको नेतृत्वमा वार्ता टोली बनाए । जसले पार्टीको दबाब मत्थर पार्ने प्रयास गर्नेछ । सम्भवतः ओली उत्ति धेरै आक्रामक नभए उपेन्द्र सत्तामै रहनेछन् ।

बैठकले प्रधानमन्त्रीद्वारा सत्तासाझेदार दल समाजवादी पार्टीसँग कुनै परामर्श नगरी हालै भएको मन्त्रीमण्डल पुनर्गठन संयुक्त सरकारको राजनीतिक मूल्य, मान्यता र संस्कृति प्रतिकूल भएको भन्दै असहमति प्रकट गरेको प्रचार विभाग उपप्रमुख विश्वदीप पाण्डेले जानकारी दिए ।
बैठकले असहमत भएका विषय र पार्टीसँग भएको दुई बुँदे सहमतिको कार्यान्वयनका सन्दर्भमा सरकार र सरकारसम्बद्ध पार्टी नेकपासँग वार्ता गर्न वार्ता समिति निर्माण गरेको हो ।

वार्ता समितिमा संघीय परिषद अध्यक्ष डा. बाबुराम भट्टराई, केन्द्रीय समिति अध्यक्ष उपेन्द्र यादव, वरिष्ठ नेता अशोककुमार राई र सह अध्यक्ष राजेन्द्रप्रसाद श्रेष्ठ छन् ।

LEAVE A REPLY

Please enter your comment!
Please enter your name here

भर्खरै

उर्मिला अर्याल राष्ट्रिय सभाको उपाध्यक्ष बन्दै

काठमाडौं-राष्ट्रिय सभा उपाध्यक्षको आज निर्वाचन हुँदै छ । आज मध्याह्न १२ बजे बस्ने राष्ट्रिय सभा बैठकबाट उपाध्यक्ष पदमा अर्याल निर्विरोध...

छुटाउनुभयो कि?