चिस्यान केन्द्र स्थापनाः प्रवासबाट फर्किएकाहरुको उदाहरणीय कार्यः एनआरएनए उपाध्यक्ष

लोकप्रिय

काठमाडौं– गैरआवासीय नेपाली संघ (एनआरएनए)का उपाध्यक्ष अर्जुनकुमार श्रेष्ठले नवलपरासीमा प्रवासबाट फर्किएका नेपालीहरुले चिस्यान केन्द्र स्थापना गरेर उदाहरणीय कार्य गरेको बताएका छन् ।

३ हजार मेट्रिक टन क्षमताको चिस्यान केन्द्रको शेयर खुला हुनुअघि भएको अन्तर्क्रिया कार्यक्रमलाई नवलपरासीको कावासोतीमा सम्बोधन गर्दै उपाध्यक्ष श्रेष्ठले स्थानीयसँग पनि हातेमालो गरेर अघि बढ्न अपिल गरे । ‘स्थानीयका लागि चिस्यान केन्द्र सुवर्ण अवसर हो,’ उनले भने, ‘स्थानीयसँग हातेमालो गरेर अघि बढ्नुहोला ।’ चिस्यान केन्द्रले स्थानीय कृषकहरुलाई कृषि उपजहरुको वृद्धि प्रबर्द्धन गर्न सहयोग पुग्ने उनको भनाइ थियो ।

कार्यक्रममा प्रतिनिधिसभाका सांसद तिलक महतले चिस्यान केन्द्र मुलुककै नमूना हुने बताउँदै सजग भएर सञ्चालन गर्न आग्रह गरे । उनले आफूले आवश्यक सहयोग गर्ने प्रतिबद्धता जनाए ।

वैदेशिक रोजगारबाट फर्किएका युवाहरूको संगठन रिटर्नी कृषि तथा पशुपालन समूह लिमिटेडले ३ हजार मेट्रिक टन क्षमताको चिस्यान केन्द्र निमार्णमा लगानी गर्ने तयारी गरेको हो ।

कावासोती नगरपालिकास्थित अग्यौलीमा ३ हजार मेट्रिक टन क्षमता भएको चिस्यान केन्द्र निर्माणको लागि आवश्यक प्रक्रियाअघि बढाएको हो।

उक्त चिस्यान केन्द्रमा ७० प्रतिशत नेपाल सरकारको अनुदान रहने र बाँकी ३० प्रतिशत लगानी कम्पनीका सेयर सदस्यहरूको रहने बताइएको छ।

परियोजनामा लगानी गर्ने सेयर सदस्यहररू छनोट गर्दा रिटर्नी माइग्रेन्ट नेपालका सदस्यहरूलाई प्राथमिकतामा राखिने छ ।

कार्यक्रमम रिटर्नी माइग्रेन्ट नेपालका अध्यक्ष उत्तम अधिकारी, दामोदर नेपाललगायतले चिस्यान केन्द्रका विविध पक्षबारे धारणा राखेका थिए ।

LEAVE A REPLY

Please enter your comment!
Please enter your name here

भर्खरै

उर्मिला अर्याल राष्ट्रिय सभाको उपाध्यक्ष बन्दै

काठमाडौं-राष्ट्रिय सभा उपाध्यक्षको आज निर्वाचन हुँदै छ । आज मध्याह्न १२ बजे बस्ने राष्ट्रिय सभा बैठकबाट उपाध्यक्ष पदमा अर्याल निर्विरोध...

छुटाउनुभयो कि?