सभामुख निर्वाचनका लागि अग्नि सापकोटाको उम्मेदवारी, काँग्रेसले उम्मेदवारी नदिने

लोकप्रिय

काठमाडौं- नेकपाका तर्फबाट सांसद अग्नि सापकोटाले सभामुख निर्वाचनकालागि उमेद्वारी दर्ता गराएका छन् । सापकोटाले आज संसद भवनमा पुगेर उम्मेद्वारी दर्ता गराएका हुन् ।

संसद सचिवालयमा दर्ता गरिएको उम्मेदवारीमा प्रस्तापकमा पुर्व सभामुख सुवासचन्द्र नेम्वाङ छन् भने समर्थनमा पुर्व सभामुख वनसरी घर्ती, देव गुरु र राजपाका सांसद लक्ष्मणलाल कर्ण रहेका छन् ।

उम्मेदवारी दर्ता पछि छोटो प्रतिक्रिया दिदै सापकोटाले आफ्नो उम्मेदवारी प्रतिनिधिसभाको गरिमा उचो राख्न रहेको बताएका छन् ।

यसैगरी प्रमुख प्रतिपक्षी दल नेपाली काँग्रेसले सभामुखको उम्मेदवारी मनोनयन दर्ता नगर्ने भएको छ ।

संसदमा नेकपाको स्पष्ट बहुमत रहेको र सभामुख भूमिका तटस्थ भएकाले पार्टीले सभामुखमा उम्मेदवारी दर्ता नगराएको काँग्रेस सचेतक बालकृष्ण खाँडले बताएका छन् ।

यसैगरी साना दल र स्वतन्त्रबाट समेत सभामुखको लागि उम्मेदवारी दर्ता भएको छैन् । यस कारणपनि अग्नि सापकोटा सभामुखमा पक्का भएका छन् ।

LEAVE A REPLY

Please enter your comment!
Please enter your name here

भर्खरै

उर्मिला अर्याल राष्ट्रिय सभाको उपाध्यक्ष बन्दै

काठमाडौं-राष्ट्रिय सभा उपाध्यक्षको आज निर्वाचन हुँदै छ । आज मध्याह्न १२ बजे बस्ने राष्ट्रिय सभा बैठकबाट उपाध्यक्ष पदमा अर्याल निर्विरोध...

छुटाउनुभयो कि?