कांग्रेस बैठक – तल्ला तहका अधिवेशन मिति हेरफेर : क्रियाशील सदस्यता फागुन र चैतभित्र वितरण गर्ने

लोकप्रिय

काठमाडौं- नेपाली कांग्रेसले पार्टीको १४ औ महाधिवेशन २०७७ फागुनमै गर्ने गरी कार्यतालिका संशोधन गरेको छ ।

पार्टी कार्यालय सानेपमा बसेको कार्यसमिति बैठकले पूर्वनिर्धारित कार्यतालिका अनुसार नै महाधिवेशन गर्ने गरी वडा तहदेखि प्रदेश तहसम्मको कार्यतालिका संशोधन गरेको हो ।

काँग्रेसको १४ औं महाधिवेशन २०७७ फागुन ७-१० मा नै हुनेछ । तल्लो तह वडा तहको अधिवेशन १६ कातिक २०७७ मा हुनेछ । यसअघि वडा तहको अधिवेशन २०७७ मंसिर ९ मा तोकिएको थियो ।

त्यसैगरी मंसिर ११ का लागि तोकिएको गाउँ तथा नगरपालिकाको अधिवेशन अब कातिक १८ मा हुनेछ । तीन सय ३० प्रदेश निर्वाचन क्षेत्रको अधिवेशन कातिक २१ मा गरिने भएको छ । यसअघि प्रदेशको अधिवेशन मंसिर १५ का लागि तय भएको थियो ।

यसैगरी प्रतिनिधिसभा क्षेत्र र एउटा मात्र प्रतिनिधिसभा क्षेत्र भएको जिल्लाको अधिवेशन कातिक २१ २०७७, एकभन्दा बढी प्रतिनिधिसभा निर्वाचन क्षेत्र भएको जिल्लाको अधिवेशन कातिक २३ र सातै प्रदेशको अधिवेशन मंसिर २९ मा हुनेछ । यसअघि प्रदेश अधिवेशन पुस १५ का लागि तोकिएको थियो ।

शीर्ष नेताहरुबीच भएको सहमतिपछि महाधिवेशनको कार्यतालिका हेरफेर गर्दै क्रियाशील सदस्यता फागुन र चैत महिनाभित्र वितरण गर्ने निर्णय भएको छ । बैठकले पार्टीको अन्तरिम संरचना समायोजनको काम माघ मसान्तभित्रै सक्ने निर्णय पनि गरेको छ ।

यस्तै क्रियाशील सदस्यता छानविन समिति बनाउने निर्णय पनि गरेको छ । मंसिर २६ गते बोलाइएको केन्द्रीय समिति बैठक वरिष्ठ नेता रामचन्द्र पौडल र कृष्णप्रसाद सिटौला समूहले लगातार बहिष्कार गरेपछि बस्न सकेको थिएन ।

माघ १० मा बूढानिलकण्ठ बैठकमा नेताहरुबीच सहमति भएपछि हिजो केन्द्रीय समिति बैठक बसेको हो ।

LEAVE A REPLY

Please enter your comment!
Please enter your name here

भर्खरै

उर्मिला अर्याल राष्ट्रिय सभाको उपाध्यक्ष बन्दै

काठमाडौं-राष्ट्रिय सभा उपाध्यक्षको आज निर्वाचन हुँदै छ । आज मध्याह्न १२ बजे बस्ने राष्ट्रिय सभा बैठकबाट उपाध्यक्ष पदमा अर्याल निर्विरोध...

छुटाउनुभयो कि?