सान मारिनो बन्यो ओलम्पिक पदक जित्ने सबैभन्दा सानो देश

लोकप्रिय

एजेन्सी – टोकियो ओलम्पिक २०२० अन्तर्गत महिला ट्रयाप सुटिङमा एलेसान्द्रा पेरिलीले कास्य पदक जितेपछि सान मारिनो ओलम्पिकमा पदक जित्ने विश्वकै सबैभन्दा सानो देश बनेको छ ।

झन्डै ३४ हजार जनसंख्या रहेको सान मारिनोका लागि पेरिलीले विहीबार पहिलो पदक दिलाइन् । उनले २९ स्कोर जोड्दै पदक पक्का गरेकी हुन् । यसअघि सन् २०१२ को लन्डन ओलम्पिकमा चौथो स्थानमा रहँदै पदकबाट बन्चित रहेकी उनी टोकियोमा भने पदक जित्न सफल भइन् ।

विहीबारको प्रतिस्पर्धामा अष्ट्रेलियाकी लेतिषा स्कान्लान अन्तिम प्रहारमा चुकेपछि उनको पदक पक्का भएको थियो । यस स्पर्धामा स्लोभाकियाकी जुजना रेहाक स्तेफेचेकोभाले स्वर्ण तथा अमेरिकाकी कैल ब्राउननिङले रजत जितिन् ।

सान मारिनोले यसपटक ओलम्पिकमा ५ खेलाडीलाई मात्र पठाएको थियो । उनीसँगै सुटिङमा अर्का पुरुष खेलाडी र जुडो, कुस्ती र पौडीमा १-१ खेलाडी रहेका छन् । पेरिलीले अब मिक्स्ड टिम ट्रयापमा पनि प्रतिस्पर्धा गर्नेछिन् ।

यसअघि बुधबार मात्र फ्लोरा डफीले ट्रायथलनमा स्वर्ण पदक जित्दा बर्मुडा उक्त सफलता हासिल गर्ने सबैभन्दा सानो देश बनेको थियो । ६३ हजार जनसंख्या भएको बर्मुडाको नाममा पदक जित्ने सबैभन्दा सानो देशको कीर्तिमान पनि थियो । सन् १९७६ मा क्लारेन्स हिलले बक्सिङमा कास्य जित्दै उक्त कीर्तिमान राखेका थिए । अब भने सान मारिनोको नाममा उक्त कीर्तिमान रहनेछ ।

बर्मुडालाई स्वर्ण पदक जित्ने सबैभन्दा सानो देश बनाउने क्रममा डफीले ट्रायथलनमा ५१ किलोमिटर पार गरेकी थिइन् । यो दुरी जम्मा ४० किलोमिटर लम्बाई रहेको बर्मुडामा एक छेउबाट अर्को छेउसम्म पुग्दा भन्दा लामो दुरी हो ।

हालसम्म ओलम्पिकमा पदक नजित्ने सबैभन्दा ठूलो राष्ट्र भने बंगलादेश रहेको छ । १६ करोड बढी जनसंख्या रहेको बंगलादेशबाट यसपटक ६ जनाले सहभागिता जनाएकोमा तीन जनाको चुनौती समाप्त भइसकेको छ ।

LEAVE A REPLY

Please enter your comment!
Please enter your name here

भर्खरै

दुर्गा प्रसाईको ८ करोडको ‘वन पिस’गाडीमा ओली सयर

काठमाडौं- नेकपा (एमाले)का अध्यक्ष एवं पूर्वप्रधानमन्त्री केपी शर्मा ओली अहिले गृहजिल्ला झापाको यात्रामा छन् । आइतबार भद्रपुर विमानस्थल ओर्लिएका...

छुटाउनुभयो कि?