दुई वटा गठबन्धनलाई हराउँदै हरिगोविन्द महालक्ष्मीको मेयर निर्वाचित

लोकप्रिय

ललितपुर- ललितपुरको महालक्ष्मी नगरपालिकामा नेकपा एमालेका हरिगोविन्द श्रेष्ठ मेयर निर्वाचित हुनुभएको छ ।

कांग्रेस, माओवादीको गठबन्धन र एमालेबाट चोइटिएको नेकपा एकीकृत समाजवादीले उल्लेख्य मत काटे पनि श्रेष्ठ ३ हजार ६ सय ९२ मतान्तरले विजयी हुनुभएको हो । उपमेयरमा भने नेपाली कांग्रेसकी लक्ष्मी महर्जन निर्वाचित हुनुभयो ।

निर्वाचन आयोगका अनुसार नेकपा एमालेका उम्मेदवार श्रेष्ठले ९ हजार ३ सय ५० मत ल्याएर विजयी हुनुभएको हो । उहाँका निकटतम प्र
प्रतिस्र्धी नेकपा माओवादी केन्द्रका शिव कट्टेलले ५ हजार ६ सय ५८ मत पाउनुभयो ।

उपमेयरमा नेपाली कांग्रेसकी उम्मेदवार लक्ष्मी महर्जन विजयी हुनुभयो । उहाँले ९ हजार ५ सय ९१ मत पाउँदा निकटतम प्रतिस्र्धी नेकपा एमालेकी विणा सुवेदीले ८ हजार ६ सय ८३ मतले विजयी हुनुभयो । उहाँको विजेता महर्जनको भन्दा ९ सय ८ मत कम थियो ।

महालक्ष्मीमा एकीकृत समाजवादी एक्लै चुनाव लडेको थियो । वडा नम्बर ७ का पूर्वअध्यक्ष नकुल थापाले मेयरमा ३ हजार ८ सय ९१ मत पाउनुभयो । राप्रपा नेपालका प्रविण खत्रीले २ हजार ५ सय ९३ मत पाउनुभयो । स्वतन्त्रमा उम्मेदवारी दिएका दिनेश प्रसाद सुवेदीले ५ सय ६६ मत प्राप्त गर्नुभयो ।

१० वडामध्ये एमालेले ६ वडा जितेको छ । वडा नम्बर १ मा छिरिङ लामा, २ मा ध्रुव खत्री, ३ मा कुवेर केसी, ४ मा अमृत खत्री, ६ मा विश्वराज श्रेष्ठ र १० मा विजय लामा विजयी हुनुभयो ।

कांग्रेसबाट वडा नम्बर ५ मा कपिल केसी, वडा नम्बर ७ मा बाबुराजा महर्जन र ९ मा जयकृष्ण बोगटी निर्वाचित हुनुभयो ।

वडा नम्बर ६ मा नेकपा माओवादी केन्द्रका धर्म महर्जन विजयी हुनुभयो ।

२०७४ मा एमालेका रामेश्वर श्रेष्ठ मेयर निर्मला थापा उपमेयर हुँदा एमालेले ८ वटा वडा जितेको थियो । एमालेले यसपटक वडा नम्बर १० माओवादीबाट खोसेको छ भने वडा नम्बर ५, ७ र ९ गुमाएको छ । कांग्रेसले आफूले जितेको वडा नम्बर ६ गुमाएर ५, ७ र ९ एमालेबाट खोसेको छ । माओवादी केन्द्रले वडा नम्बर १० गुमाएर वडा नम्बर ६ खोसेको छ ।

LEAVE A REPLY

Please enter your comment!
Please enter your name here

भर्खरै

जिल्लास्तरीय रनिङ शिल्डको उपाधि बेसीसहरलाई

लमजुङ । १३ औँ जिल्लास्तरीय राष्ट्रपति रनिङ शिल्ड प्रतियोगिताको उपाधि बेसीसहर नगरपालिकाले हात पारेको छ । १६ देखि १७ असारसम्म...

छुटाउनुभयो कि?