काठमाडौं । नेपाली बजारमा आज कारोबार साताको दोश्रो दिन सुनको मूल्य स्थिर भएको छ । साताको पहिलो कारोबारका दिन आइतबार बढेको सुनको मूल्य आज भने स्थिर भएको हो ।
नेपाल सुनचाँदी व्यवसायी महासंघका अनुसार आज छापावाल सुन प्रतितोला १ लाख १० हजारमा कारोबार भइरहेको छ भने तेजाबी सुनको मूल्य प्रतितोला १ लाख ९ हजार ५०० रुपैयाँ कायम भएको छ ।
त्यस्तै, आज चाँदी १ हजार ३७५ रुपैयाँमा कारोबार भइरहेको छ । आइतबारको तुलनामा चाँदीको मूल्य प्रतितोला १० रुपैयाँ घटेको हो ।