राजीनामा मागेको भए दिन्थें, तर अयोग्य जसरी हटाइयोः गोकर्ण विष्ट

लोकप्रिय

काठमाडौं– नेपाल कम्युनिस्ट पार्टी (नेकपा)का स्थायी समिति सदस्य गोकर्ण विष्टले प्रधानमन्त्री केपी शर्मा ओलीले मन्त्रिपरिषद् पुनर्गठन गर्दा आफ्नो आत्मसम्मानमा चोट पुगेको बताएका छन् ।

आइतबारदेखि जारी सत्तारुढ नेकपाको स्थायी समिति बैठकमा अध्यक्षद्वयले पेस गरेको प्रतिवेदनमाथि टिप्पणी गर्नेक्रममा विष्टले आफूलाई अयोग्यजसरी हटाएको भन्दै असन्तुष्टि जनाए । उनले राजीनामा मागेको भए आफू राजीनामा दिन पहिलै तयार रहेको उल्लेख गरे ।

स्थायी समिति सदस्यको नाताले मन्त्रीबाट हटाउनु पहिले पार्टीले सामान्य जानकारी गराएर बाटो खाली गरिदिन भनेको भए बरु त्यसलाई आफूले सहज लिन सक्ने बताएका छन् ।

बैठकमा बुधबार १२ जना सदस्यले आफ्ना सुझाव राखेका छन् । मातृका यादव, वर्षमान पुन, लिलामणी पोखरेल, प्रदीप ज्ञवाली, गिरिराजमणी पोखरेल, रघुजी पन्त, गोकर्ण विष्ट, हरिबोल गजुरेल, पृथ्वीसुब्बा गुरुङ, टोपबहादुर रायमाझी, सत्यनारायण मण्डल र डा. पुष्पराज कँडेलले सुझाव राखेका प्रवक्ता नारायणकाजी श्रेष्ठले जानकारी दिए ।

LEAVE A REPLY

Please enter your comment!
Please enter your name here

भर्खरै

उर्मिला अर्याल राष्ट्रिय सभाको उपाध्यक्ष बन्दै

काठमाडौं-राष्ट्रिय सभा उपाध्यक्षको आज निर्वाचन हुँदै छ । आज मध्याह्न १२ बजे बस्ने राष्ट्रिय सभा बैठकबाट उपाध्यक्ष पदमा अर्याल निर्विरोध...

छुटाउनुभयो कि?