राष्ट्रिय सभा निर्वाचनमा नेकपा र राजपाबीच तालमेल, उपेन्द्र यादवलाई अर्को झड्का

लोकप्रिय

काठमाडौं– राष्ट्रिय सभा निर्वाचनमा नेपाल कम्युनिस्ट पार्टी (नेकपा) र राष्ट्रिय जनता पार्टीबीच तालमेल हुने भएको छ ।

प्रदेश नम्बर २ मा रिक्त हुने चार मध्ये दुई स्थानमा नेकपा र दुई स्थानमा राजपालाई सहयोग गर्ने समझदारी भएको छ ।

सहमितअनुसार नेकपाले महिला र दलित पुरुष तथा राजपाले अन्य पुरुष समूह र अपाङ्गता भएका व्यक्ति वा अल्पसंख्यक समूहमा उम्मेदवार उठाउनेछन् ।

प्रधानमन्त्री निवास बालुवाटारमा बुधबार भएको सहमतिपत्रमा नेकपा अध्यक्षद्वय केपी शर्मा ओली र पुष्पकमल दाहाल तथा राजपा संयोजक राजेन्द्र महतोले हस्ताक्षर गरेका छन् ।

सत्तासाझेदार समाजवादी पार्टीसँगको सहकार्य अस्वीकार गर्दै नेकपाले राजपालाई साथमा लिएको हो । नयाँ सहमतिले उपप्रधानमन्त्री एवं कानुन मन्त्री उपेन्द्र यादव नेतृत्वको समाजवादीलाई थप झड्का लागेको छ ।

दुई बुँदे सहमतिको दोस्रो नम्बरमा राष्ट्रिय राजनीतिका समसामयिक विषयमा नियमित छलफल र सहकार्य गर्ने भन्दै आगामी सत्ता साझेदारीको संकेत गरिएको छ ।

LEAVE A REPLY

Please enter your comment!
Please enter your name here

भर्खरै

उर्मिला अर्याल राष्ट्रिय सभाको उपाध्यक्ष बन्दै

काठमाडौं-राष्ट्रिय सभा उपाध्यक्षको आज निर्वाचन हुँदै छ । आज मध्याह्न १२ बजे बस्ने राष्ट्रिय सभा बैठकबाट उपाध्यक्ष पदमा अर्याल निर्विरोध...

छुटाउनुभयो कि?