कालीगण्डकी नदीमा बञ्जी जम्पका लागि पूर्वाधार निर्माण हुँदै

लोकप्रिय

बाग्लुङ- साहसिक खेलको रुपमा रहेको बञ्जीजम्प पछिल्लो समय स्वदेशी र विदेशी पर्यटकको रोजाइमा पर्दै गएको छ ।

त्यसैलाई मध्यनजर गरी बागलुङ र पर्वतको सीमा कालीगण्डकी नदीमाथि पुल निर्माणको काम अघि बढिरहेको छ ।

बाग्लुङ र पर्वतको सीमा छुट्याउने कालीगण्डकी नदीमाथि बञ्जीजम्प खेलाउनकै लागि विगत तीन वर्षदेखि पुल निर्माण भइरहेको छ ।

करिब २० करोड रुपैयाँको लगानीमा बञ्जीजम्प, स्काई साइकिलिङ र सुविधा सम्पन्न रिसोर्ट समेत निर्माण भइरहेको व्यवसायी राजनकुमार जोशीले बताए ।

द क्लिप प्रालिले निर्माण गरिरहेको यो पुल प्यारा मोहन कन्ट्रक्सन प्रालिका राधाकृष्ण मल्लिकको डिजाइनमा निर्माण गरिँदै छ । यसले बञ्जीजम्प गर्ने पर्यटकलाई आकर्षित गर्ने विश्वास लिइएको छ ।

कालीगण्डकी नदीमा बनेको पुल ५ सय २५ मिटर लामो २ सय २८ मिटर अग्लो रहेको छ । नमूना पुलबाट बञ्जीजम्प गर्न निर्माण कम्पनीले निश्चित दर रेट राख्ने तयारी गरिरहेको छ ।

बाग्लुङ–पर्वत ओहोरदोहोर गर्नेलाई पनि निश्चित शुल्क असुल्ने कम्पनीको तयारी छ ।

पर्यटन विकासको सम्भावना बोकेका बाग्लुङ र पर्वतलाई यसले प्रवद्र्धन गर्नमा टेवा पुग्ने पर्यटन व्यवसायी राजनकुमार जोशीको भनाइ छ ।

निर्माणाधीन उक्त पुललाई एसियाकै नमूना पुल हुने पनि बताइएको छ ।

LEAVE A REPLY

Please enter your comment!
Please enter your name here

भर्खरै

उर्मिला अर्याल राष्ट्रिय सभाको उपाध्यक्ष बन्दै

काठमाडौं-राष्ट्रिय सभा उपाध्यक्षको आज निर्वाचन हुँदै छ । आज मध्याह्न १२ बजे बस्ने राष्ट्रिय सभा बैठकबाट उपाध्यक्ष पदमा अर्याल निर्विरोध...

छुटाउनुभयो कि?