अमेरिकी राजदूत बेरीको नेपाल प्रेम: भिजिट नेपाल सफल बनाउन ‘ट्राभल्स पोज’

लोकप्रिय

काठमाडौं- नेपालका लागि अमेरिक–राजदूत र्‍यान्ड–बेरी नेपाली जनतासँग प्रत्यक्ष सम्पर्कमा रहन चाहन्छन ।

नेपाली जनतासँग ‘राजदूतसँग गफगाफ’ ल्याएर चर्चा बटुलेका उनी यतिबेला भिजिट नेपाल २०२० लाई सफल बनाउन सहयोग गर्ने बचनसहित प्रचार अभियानमा छन् ।

उनले सामाजिक संजालमार्फत नेपालका पर्यटकीय स्थलहरुको प्रचार मात्र गरिरहेका छैनन् विभिन्न पर्यटकीय स्थलमा कैद गरिएका आफ्ना ब्यक्तिगत तस्वीरहरु पनि पोष्ट गरेर भिजिट नेपाल सफल बनाउनुपर्ने अभिब्यक्तिहरु दिइरहेका छन् ।

राजदूत बेरीले आफ्नो ट्वीटरमार्फत भिजिट नेपाल अभियानलाई सघाउन जनवरी महिनाभर नेपालस्थित अमेरिकी मिशनका सबै सामाजिक संजालहरूमा नेपाललाई एक उत्कृष्ट पर्यटकीय गन्तब्यको रूपमा प्रचार गर्ने घोषणा पनि गरिसकेका छन् ।

नेपालस्थित अमेरिकी मिशनमा कार्यरत कर्मचारी र परिवारले नेपाल घुम्दाको अनुभव र तस्वीर सामाजिक संजालहरुमा पोष्ट भिजिट नेपाललाई सफल बनाउन फेसबुक पेजमार्फत आब्हान पनि गरिएको छ ।

अमेरिकी दुताबासको आधिकारिक फेसबुक पेजमा राजदुत बेरी मुस्ताङ, जनकपुर, इलाम, रामेछाप, दोलखा, काठमाडौंलगायत भ्रमण गर्दाका आकर्षक तस्वीरहरु पोष्ट भएका छन् ।

LEAVE A REPLY

Please enter your comment!
Please enter your name here

भर्खरै

उर्मिला अर्याल राष्ट्रिय सभाको उपाध्यक्ष बन्दै

काठमाडौं-राष्ट्रिय सभा उपाध्यक्षको आज निर्वाचन हुँदै छ । आज मध्याह्न १२ बजे बस्ने राष्ट्रिय सभा बैठकबाट उपाध्यक्ष पदमा अर्याल निर्विरोध...

छुटाउनुभयो कि?