भियतनाम युद्धकी प्रतीक फान थिक भन्छिन्– अब म ‘नेपल्म गर्ल’ रहिन

लोकप्रिय

नोम पेन । भियतामी युद्धको प्रतीक किम फुक फान थिको ५० वर्षपछि छालाको अन्तिम उपचार पूरा भएको छ । जलेको र पीडामा चिच्याएको उनको तस्बीर भियतनामी युद्धको परिणामको प्रतीक बनेको थियो । सन् १९७२ मा दक्षिण भियतनामी लडाकु विमानले नेपल्म (रसायनिक पदार्थ)  लाई खसालेपछि बिना कपडा सडकमा दौडिरहेको र पीडामा चिच्याइरहेकी ९ वर्षीया किम फुक फान थिको तस्बीले संसारभर तरंग ल्याएको थियो । 

सन् १९७२ को जुनमा तस्बीर खिच्ने फोटोग्राफर निक उटले उनलाई मेडिकल उपचारका लागि लगेका थिए । उक्त तस्बीरका लागि एसोसिएटेड प्रेस फोटोग्राफरले पुलित्जर पुरस्कार जितेका थिए । सो घटनापछि थीलाई ‘नेपल्म गर्ल’ उपनाम दिइएको थियो ।  सन् १९९२ सम्म भियतनाममा बसेकी उनी  श्रीमानसँगै क्यानडामा बसोबास गर्न थालेकी थिइन् । अहिले पनि उनी क्यानडामै नै बसोबास गर्छिन् । 

यसै साता ५९ वर्षीया थीले मियामी डर्मेटोलजी र लेजर इन्स्टिच्युटमा उनको १२औँ र  अन्तिम चरणको लेजर उपचार पूरा भएको छ । शल्यक्रियापछि उनले फोटोग्राफर पनि भेटेकी थिइन् । उनले आफ्नो जीवन बचाएको श्रेय पनि उनै फोटोग्राफरलाई दिँदै आएकी छिन् । ‘अब ५० वर्षपछि म युद्धको सिकार छैन म नेपल्म केटी होइन । अब म साथी हुँ, सहयोगी हुँ, म हजुरआमा हुँ’ फानले भनिन् । यसअघि उनलाई नेपल्म लेडीको रूपमासमेत चिनिन्थ्यो । उनले भनिन्, ‘ सबैले प्रेम, आशा र क्षमाका साथ बाँच्न सकून्, र यदि सबैले यसरी बाँच्न सिक्छन् भने हामीलाई युद्धको आवश्यकता पर्दैन् ।’

LEAVE A REPLY

Please enter your comment!
Please enter your name here

भर्खरै

सामुदायिक विद्यालयमै पुगेर समस्या बुझ्दै महालक्ष्मीका प्रमुख–उपप्रमुख

काठमाडौं– महालक्ष्मी नगरपालिकाका नगर प्रमुख हरिगोविन्द श्रेष्ठ र उपप्रमुख लक्ष्मी महर्जनले सामुदायिक विद्यालयमै पुगेर विद्यालयका समस्या र समाधानका उपाय...

छुटाउनुभयो कि?