काठमाडौं– मुस्लिम आयोगका अध्यक्ष समिम मियाँ अन्सारीले साउदी अरेबियाको मक्कामा आयोजना हुने विश्वभरका धार्मिक विभागहरूको पहिलो सञ्चार सम्मेलनमा भाग लिनुभएको छ ।

सम्मेलनमा सहभागी हुन अध्यक्ष अन्सारी दुई दिनअघि साउदी अरेबियाको मक्का पुग्नुभएको थियो । सम्मेलनमा ८० देशका प्रतिनिधि सहभागी रहेको अध्यक्ष अन्सारीले जानकारी दिनुभयो ।

सम्मेलनमा शिक्षा र विश्वशान्तिका सम्बन्धमा छलफल भएको छ । अध्यक्ष अन्सारीले सम्मेलनले इस्लामिक विद्वानहरूसँग एकअर्कासँगको एकीकरण र सहयोगद्वारा इस्लामिक लक्ष्यहरू प्राप्त गर्नमा महत्वपूर्ण भूमिका खेल्ने विश्वास व्यक्त गर्नुभयो ।

अध्यक्ष अन्सारी साउदी अरेबियाका इस्लामिक मामिला र मार्गदर्शन मन्त्रालयका महामहिम अब्दुललातिफ बिन अब्दुल अजीज अल शेखको निमन्त्रणमा मक्का पुगेका हुन् ।