ललितपुर– महालक्ष्मी नगरपालिकाको नगर सभाको १५ औं अधिवेशनबाट तीन विधेयक पारित भएको छ ।

वडा नम्बर ६ सिद्धिपुरमा सोमबार बसेको १५ औं अधिवेशनले महालक्ष्मी प्रज्ञा प्रतिष्ठान विधेयक २०८०, संस्था दर्ता सम्बन्धी विधेयक २०८० र नगर प्रहरी व्यवस्थापन तथा सञ्चालन गर्न बनेको विधेयक २०८० पारित गरेको नगर प्रमुख हरिगोविन्द श्रेष्ठले जानकारी दिए । नगर सभाबाट पारित भएका निर्णयहरु नगर प्रमुखले प्रमाणित गरेपछि सार्वजनिक गर्ने नगरपालिकाले जनाएको छ ।

नगरपालिकाले नगरका कामकारबाहीलाई प्रभावकारी र व्यवस्थित बनाउन कर्मचारी दरबन्दी थप गर्ने निर्णय गरेको छ ।

नगर सभाले खानेपानी, सडक तथा सम्पदाहरुको बन्दामा रहेको बजेटलाई विनियोजन गरेको छ ।

नगर सभाले आर्थिक ऐन, २०८० लाई पनि संशोधनसहित पारित गरेको छ ।