राष्ट्रिय प्रकृति संरक्षण कोष कर्मचारी युनियनको अध्यक्षमा आनन्द सुवेदी सर्वसम्मत चयन भएका छन् । जावलाखेलमा भएको युनियनको दोस्रो भेलाले सुवेदीको नेतृत्वमा २१ सदस्सीय कार्यसमिति चयन गरेको हो । सुवेदी एमाले निकट कर्मचारी संगठनमा आबद्ध छन् । महासचिवमा अनिल प्रसाईं सर्वसम्मत भए । उनी माओवादी निकट हुन् ।

उपाध्यक्षद्वयमा विजय लक्ष्मी गुरूङ र रामशरण भट्ट, उपमहासचिवद्वयमा बाबुलाल तिरूवा र रामजी थापा, सचिवमा भेषबहादुर गुरूङ र कोषाध्यक्षमा उमाकान्त सापकोटा सर्वसम्मत चयन भएका राष्ट्रिय प्रकृति संरक्षण कोष कर्मचारी युनियनका नेता ज्ञानेन्द्र विक्रम शाहले जानकारी दिए ।

यस्तै, सदस्यहरूमा अम्बिका तिमिल्सिना, नरेन्द्रराज हमाल, सुरत बम मल्ल, कैलाश तिवारी, वृजबहादुर गरूङ, विष्णु सिंह ठकुरी, जस्मिन रिमाल, कञ्चन पौडेल, कमल जोशी, कवि राज भट्ट, दिनेश कर्माचार्य, राजकुमार बस्नेत र बद्री कुमार खड्का सर्वसम्मत चयन भए ।

जावलाखेलमा सम्पन्‍न भएको अधिवेशनले समिति चयन गरेको हो । यसअघि युनियनमा सत्यनारायण साहको नेतृत्वमा तदर्थ समिति गठन भएको थियो । त्यसैलाई पहिलो साधरणसभा आधार मानेर दोस्रो अधिवेशन गरिएको युनियनका नेता ज्ञानेन्द्र शाहले बताए । दोस्रो अधिवेशनको अध्यक्षता सत्यनारायण साहले गरेका थिए । उनले पदबाट राजीनामा दिएपछि उनको तदर्थ समितिका महासचिव राधाकृष्ण घर्तीले संयोजकको भूमिका निर्वाह गरेका थिए ।

कोषका विभिन्न क्षेत्रमा रहेका फिल्ड कार्यालयबाट आएका कर्मचारीहरूको प्रतिनिधित्वमा समिति गठन गरिएको ज्ञानेन्द्रले बताए । नव गठित समितिमा एमाले र माओवादी निकटका कर्मचारीहरूको बाहुल्यता छ ।

साधरणसभामा कोषका सदस्य सचिव शरदचन्द्र अधिकारी, निर्देशकद्वय डा नरेश सुवेदी र डा चिरनजिवी प्रसाद पोखरेललगायत विभिन्न कर्मचारी संगठनका प्रतिनिधिहरूले मन्तव्य राखेको निर्वतमान अध्यक्ष सत्यनारायण साहले बताए । युनियनले कर्मचारीको हकहित र समस्याहरूको बारेमा व्यवस्थापनसँग समन्वय गर्ने बताइएको छ ।