काठमाडौं, – सहकारी ठगीको विषय छानबिन गर्ने संसदीय समितिको कार्यादेश टुङ्गो लगाउन दलहरूको बैठक बस्न लागेको छ। अहिले बिहान साढे ८ बजे कार्यादेश टुङ्गो लगाउन गठित कार्यदलको बैठक कानून, न्याय तथा संसदीय मामिला मन्त्रालयमा बस्न लागेको हो।

सत्ता र प्रतिपक्ष दलहरूको शनिवार बसेको बैठकमा सहकारी प्रकरणमा छानबिन गर्न संसदीय समिति गठन गर्ने सहमति भएको थियो। तर, समितिको कार्यादेश भने टुङ्गो लाग्न सकेको थिएन।

कार्यादेश टुङ्गो लगाउन नेकपा एमालेका नेता एवम् कानुनमन्त्री पदम गिरीको नेतृत्वमा कार्यदल गठन गरिएको छ। उक्त समितिमा कांग्रेस सहमहामन्त्री जीवन परियार, एमाले प्रमुख सचेतक महेश बर्तौला र राष्ट्रिय स्वतन्त्र पार्टीका सांसद शिशिर खनाल छन्।