काठमाडौं– नेकपा एमाले सुनसरीका अध्यक्ष निलम खनालको मृत्यु भएको छ ।

लामो समयदेखि प्याक्रियाज सम्बन्धीको बिरामी रहेका खनालको उपचारका लागि भारतको हैदराबाद लैजाँदै गर्दा बाटोमा नै मृत्यु भएको एमाले केन्द्रीय प्रचार विभागका सदस्य लिलाराज भट्टराईले जानकारी दिए ।

एमाले सुनसरी जिल्लाको आठौँ जिल्ला अधिवेशनबाट गएको जेठ १० गते खनाल अध्यक्षमा निर्वाचित भएका थिए । उनले नेता खेमराज पोखरेललाई ९६ मतको अन्तरले पराजित गर्दै अध्यक्षमा निर्वाचित भएका हुन् ।