सरकारले सदर चिडियाखानाको व्यवस्थापनको जिम्मा राष्ट्रिय प्रकृति संरक्षण कोषलाई दिने निर्णय गरेको छ । शुक्रबार बसेको मन्त्रिपरिषद् बैठकले उक्त निर्णय गरेको वन तथा वातावरण मन्त्रीका सचिवालय सदस्य राजेन्द्र शाहीले जानकारी दिए ।

कोषलाई यसअघि पनि सरकारले २०५२ सालमा ३० वर्षका लागि चिडियाखाना व्यवस्थापनको जिम्मेवारी दिएको छ । अवधिक सकिन लागेपछि सरकारले कोषलाई नै चिडियाखाना व्यवस्थापन गर्न दिने निर्णयलाई निरन्तरता दिएको शाहीले बताए ।

सदर चिडियाखानालाई सन् १९३२ मा तत्कालीन राणा प्रधानमन्त्री जुद्धशमसेर जबराले स्थापना गरेका थिए । प्रजातन्त्र पछि चिडियाखाना यसअघ सरकारले नै गर्दै आएपनि व्यवस्थापन निराशजनक भएपछि कोषलाई जिम्मेवारी दिने निर्णय गरेको थियो ।

वन तथा वातावरण मन्त्रालय मातहत रहेको चिडियाखाना कोषले व्यवस्थापन गर्नुअघि निकै नै भद्रगोल अवस्थामा थियो । सानो क्षेत्रफलमा फैलिएको सदरचिडियाखानामा कोषले व्यवस्थित रूपमा १ हजारभन्दा बढि वन्यजन्तुको व्यवस्थापन गर्दै आएको छ ।

भक्तपुरमा रहेको राष्ट्रिय प्राणी उद्यान हाल सरकारले व्यवस्थापन गर्छ तर व्यस्थित रूपमा सञ्चालन गर्न सकिरहेको छैन । उक्त प्राणी उद्यान कोष मार्फत नै सञ्चालन गरिनुपर्ने विज्ञहरूले सुझाव दिएका छन् ।

अमेरिका बेलयात जस्ता मुलुकहरूमा पनि चिडियाखानाको व्यवस्थापन सरकारले ट्रस्टलाई दिने गरेको पाइन्छ ।