काठमाडौँ, । सभामुख देवराज घिमिरेले प्रधानमन्त्री केपी शर्मा ओलीले आज संसद्मा सम्बोधन गने भएकाले सबै सांसदलाई बैठकमा उपस्थित हुन आग्रह गरेका छन् । भिजिट भिसा’लगायत प्रकरणमा निष्पक्ष छानबिनको माग गर्दै प्रतिपक्षी दल राष्ट्रिय स्वतन्त्र पार्टी ९रास्वपा० र राष्ट्रिय प्रजातन्त्र पार्टी राप्रपा का सांसदहरू बैठक छाडेर बाहिरिने गरेपछि आज प्रधानमन्त्री ओलीको सम्बोधनमा बसिदिन आग्रह गरेका हुन् ।

सभामुख घिमिरेले सरकार, प्रतिपक्ष र सत्तापक्षमा रहेका दल तथा सबै सदस्यज्यूहरूलाई संवादको वातावरण सृजना गरी सदनलाई आफ्नो मूल लयमा फर्काउन अपिल अपिल गर्नुभएको छ । “प्रतिपक्षी दलका सांसदहरू नियमित बैठकमा सहभागी भएको छैन । यसमा सहमतिका लागि म आफैँले संवादको मार्ग अपनाएको थिए । यसका लागि आज पनि म सहमतिका लागि प्रयत्न गरिरहेको छु”, उनले भने, “तर, सदन सुरु गर्न सरकार र राजनीतिक दलबीच हुनुपर्ने छलफल र संवाद नभएकामा मलाई चिन्ता लागेको छ । यसरी बैठक सुरु हुनासाथ ‘असहमति प्रदर्शन’ गर्ने र बाहिरिने प्रवृत्ति संस्थागत लोकतान्त्रिक प्रणाली र संसदीय अभ्यासका दृष्टिले दीर्घकालीन रूपमा हानिकारक साबित हुनसक्छ ।”

संसद् केवल असहमति अभिव्यक्त गर्ने मात्र नभई राष्ट्रिय सहमतिको आवाज प्रकट गर्ने थलोसमेत रहेको सभामुख घिमिरेको भनाइ थियो । “हामी सङ्घीय लोकतान्त्रिक गणतन्त्रलाई सुदृढ पार्ने प्रयोजनका लागि सङ्घीयतासँग प्रत्यक्ष सम्बन्धित विधेयकहरूलाई पारित गर्ने प्रक्रियामा छौँ । यी विधेयकहरूमा सबै माननीयज्यूहरूको गम्भीर र रचनात्मक बहस अपरिहार्य छ”, उनले भने, “समितिहरूमा जस्तै सभामा पनि संसद्को गर्भमा रहेका यी कानुनले सबै सांसदहरूको बहस खोजिरहेको महसुस गरेको छु ।”