काठमाडौं— जेन्जी आन्दोलनमा आगजनी गरिएका सवारी साधन जलेर थुप्रिएको फोहोरको सफाइमा संघीय संसदका महासचिव पद्मप्रसाद पाण्डे नै निस्किएका छन् ।

महासचिवको नेतृत्वमा आइतबार संघीय संसद सचिवालयको भवन नम्बर १ परिसरमा थुप्रिएको फोहोर सफा गरिएको आन्तरिक सेवा तथा योजना शाखाका उपसचिव अधिराज राईले जानकारी दिए । सरसफाइमा महासचिवसहित कर्मचारीहरू सहभागी भएका थिए ।

भदौ २४ गतेको जेन्जी आन्दोलनमा भवन नम्बर २ परिसरमा रहेका सवारी साधनमा आगजनी गरिएको थियो । आगजनीबाट १८ वटा गाडी र ३६ वटा मोटरसाइकल नष्ट भएका छन् । आगजनीबाट जलेका सवारी साधनलाई पनि सचिवालय परिसरबाट अन्यत्रै व्यवस्थापन गरिएको छ ।