काठमाडौं- नेकपा एमालेले आज विशेष पत्रकार सम्मेलनको आयोजना गरेको छ ।

पार्टी केन्द्रीय कार्यालय च्यासलमा अध्यक्ष केपी शर्मा ओलीको उपस्थितिमा पत्रकार सम्मेलन आयोजना गरिएको प्रचार तथा प्रकाशन विभागका सचिव गगन विष्टले जानकारी दिए ।

विष्टका अनुसार संसदको गतिरोध र समसामयिक राजनीतिका विषयमा अध्यक्ष ओलीले आफ्ना धारणाहरु सार्वजनिक गर्ने कार्यक्रम छ ।

दिउँसो १ बजे हुने पत्रकार सम्मेलनमा उपस्थितिका लागि सञ्चारकर्मीहरुलाई एमालेले पार्टी केन्द्रीय कार्यालयमा आमन्त्रण गरेको छ ।