काठमाडौं– भारत भ्रमणमा रहनुभएका मुस्लिम आयोगका अध्यक्ष समिम मियाँ अन्सारीले भारतीय रक्षामन्त्री राजनाथ सिंहसँगसँग भेटवार्ता गर्नुभएको छ ।

भारतको राजधानी नयाँदिल्लीमा अध्यक्ष अन्सारीले रक्षामन्त्री सिंहसँग भेटवार्ता गर्नुभएको मुस्लिम आयोगले जनाएको छ । भेटमा दुई मुलुकबीचको सम्बन्ध सुधारका विषयमा कुराकानी भएको आयोगद्वारा जारी विज्ञप्तीमा जनाइएको छ ।

भेटमा सीक्षा क्षेत्रमा भएका घटनाबारे पनि कुराकानी भएको अध्यक्ष अन्सारीले जानकारी दिनुभयो । अध्यक्ष अन्सारीले नेपालमा स्थिरतासँगै विकास र समृद्धिका लागि धेरै काम भएको जानकारी दिँदै छिमेकी मुलुक भारतबाट सहकार्य र सहयोग हुने अपेक्षा गर्नुभयो ।

भेटमा भारतीय रक्षामन्त्री सिंहले नेपाल र भारतबीच सदियौंदेखि जनस्तरमा सम्बन्ध रहेको चर्चा गर्दै आगामी दिनमा अझै प्रगाढ हुने विश्वास व्यक्त गर्नुभयो ।