काठमाडौं– ललितपुरको महालक्ष्मी नगरपालिकामा २० औँ सामुदायिक महिला स्वयंसेविका दिवस मनाइएको छ । ‘स्वास्थ्य क्षेत्रमा दिगो विकास, महिला सामुदायिक स्वास्थ्य स्वंयसेविकाको संयुक्त प्रयास’ भन्ने नाराका साथ मङ्गलबार कार्यक्रम आयोजना गरिएको थियो ।

नगर प्रमुख हरिगोविन्द श्रेष्ठको प्रमुख आतिथ्यतामा नगरपालिकाको वडा नम्बर ८ लुभुस्थित सामुदायिक भवनमा १० वटै स्वास्थ्य चौकीको आयोजनामा सो दिवस मनाइएको जनस्वास्थ्य निरीक्षक भरत बोहराले जानकारी दिए ।

उनका अनुसार महिला स्वास्थ्य स्वयंसेविकाहरुको योगदानको गर्दै नगरपालिकाले कार्यक्रम गरेको हो । कार्यक्रममा ४५ जना महिला स्वास्थ्य स्वयंसेविका र १० जना स्वास्थ्यकर्मीको सहभागिता रहेको थियो ।

तकार्यक्रमा प्रमुख प्रशासकीय अधिकृत प्रदीप पौडेल, स्वास्थ्य शाखा प्रमुख हिमलाल ज्ञवाली र ललितपुर लिल्ला स्वास्थ्यका कुष्ठ रोग अधिकृत गोपाल बजगाईं लगायतको उपस्थिति रहेको थियो ।