ललितपुर– महालक्ष्मी नगरपालिका – ८ लुभु शंखादेवीमा अवस्थित बालसंरक्षण बाटिका (सेभ्स ) इङ्लिस मिडियम स्कूलमा १२ औँ अभिभावक दिवस मनाई सम्पन्न भएको छ । हरेक वर्षजस्तै यस वर्ष स्कुलको प्रांगणमा मंगलबार १३ फागुनमा उक्त अभिभावक दिवस मनाईएको हो ।

विद्यालयका अनुसार विद्यार्थीहरुले कार्यक्रममा विभिन्न सांस्कृतिक नृत्य तथा गीत–संगीत प्रस्तुत गरेका थिए । त्यस्तै साना कक्षाका विद्यार्थीले विज्ञानको प्रदर्शनसमेत गरेका थिए ।

कार्यक्रमका सभापति प्रेरणा खरेलले विद्यालयको आगामी शैक्षिक योजनाहरूबारे जानकारी दिईन् । हाल विद्यालय समावेशी शिक्षा एवम बालमैत्री विद्यालयका रूपमा रूपान्तरित हुदै गइरहेको उनले बताईन् ।
विद्यालयका संस्थापक/अध्यक्षसमेत रहेकी उनले विद्यालयले विद्यार्थीको सर्वांगीण विकासमा जोड दिनुको साथै व्यवहारिक शिक्षण पद्धतिलाई अपनाएको समेत बताईन् । कार्यक्रमलाई सम्बोधन गर्दै उनले प्रगतीशील विद्यालयको रूपमा अगाडि बढ्दै गएको अवस्थामा विद्यालयलाई डिजिटल सिकाइमा परिवर्तन गर्न आफू व्यस्त रहेको उनकाे भनारइ छ। विद्यार्थीको सिकाइ दैनिक जीवनमा उतार्न सकिए मात्र शैक्षिक उपलब्धि प्राप्त हुने, उनले भनिन् ।

कार्यक्रमा अभिभावकहरुको राम्रो उपस्थिति रहेको थियो । विद्यालय अभिभावक समितिका अध्यक्ष तथा विद्यालयका संस्थापक /अध्यक्ष खरेलले उक्त कार्यक्रमको उद्घाटन गरेकी थिईन् ।

उक्त अभिभावक दिवसको अवसरमा वर्षको उत्कृष्ट अभिभावक, उत्कृष्ट शिक्षक तथा विद्यालयका सम्पूर्ण शिक्षक–कर्मचारीहरुलाई सम्मान गरिएको थियो ।

१२ औँ अभिभावक दिवसको अवसर पारी प्रिस्कूलका २६ जना विद्यार्थीहरू दीक्षित भएका थिए।